تورکی دولتلر تشکیلاتی رهبرلری نینگ بوداپست شهریده اۉتکزیلگن اخیرگی ییغینی‌ده، تیارلنگن افغانستان خصوصیده‌گی مشترک بیاناتی، بوگون جمعه ۲ – جوزا نشر اېتیلدی.
دېیرلی ۱۴ ماده‌دن عبارت بۉلگن اوشبو بیاناتده، تورکی دولتلر تشکیلاتی افغانستان خصوصیده اۉز فکر و سیاست‌لرینی اعلام قیلگن.
تورکی دولتلر تشکیلاتی رهبرلری نینگ مشترک بیاناتیده، افغانستان تورلی مساله‌لریگه قوشیمچه مملکت بوتون خلقلری نینگ حقلری نظرگه توتیلیشی طلب قیلینگن.
تورکی دولتلر تشکیلاتی نینگ تاکیدلشیچه “افغانستان نینگ نیچه قوم‌دن تشکیل اېتیلگن ترکیب‌نی قدرله‌یمیز که بو ترکیب‌ده تورکی خلقلری هم شامل دیر که افغانستان تورکلری یالغیز افغانستان نینگ خیل‌مه-خیللیک بای‌لیگینی کۉرستمه‌یدی. بلکه افغانستان تورکلری، تورکی دولتلر تشکیلاتی اعضالری و کوزه‌تووچی اعضالری بیلن افغانستان یقین‌لنیشی اوچون کۉپریک‌دیک حصه‌سی بار.”
شونینگدېک تورکی دولتلر تشکیلاتی، افغانستان‌ده تبعیض اېتیلمه‌ی بوتون خلقلر حقلری تامین‌لنیشی تاکیدلب. بو حقده کینگ قمراوملی حکومت اۉرته‌گه کېلیشینی طلب قیلدی.
عینی حالده، تورکی دولتلر تشکیلاتی نینگ مشترک بیاناتیده، افغانستان‌ده دوام اېتیب تورگن انسانس وضعیت‌دن هم خواطر بیلدیریب، انسان حقلری تامین‌لنشینی طلب قیلینگن.
تورکی دولتلر تشکیلاتی اۉز بیاناتیده، افغانستان‌ده خوفسیزلیک تامین‌لنیشی همده مخدره ماده‌لرگه قرشی کوره‌ش بۉییچه بۉلگن سعی‌وحرکتلردن قدرلب، بو سعی‌وحرکتلر کۉپه‌یشینی اورغوله‌گن.
بونگه قوشیمچه تورکی دولتلر تشکیلاتی، افغانستان خلقی وضعیت‌گه ییتیشیش اوچون خلق‌ارا هم‌جمعیتی نینگ افغانستان اوچون بۉلگن انسان‌پرورلیک یاردملری و بو مملکت بیلن بۉلگن علاقه‌لر دوامینی تکلیف قیلگن.
اوشبو بیاناتده، افغانستان اقتصادی اوسیشی اوچون توجه قره‌تیلیب، بو مملکت بیلن بۉلگن مشترک اقتصادی لایحه‌لر جمله‌دن تاپی، تاپ، کاسا بیرمینگ و شونگه اوخشش باشقه لایحه‌لر عملگه آشیریلیشی اوچون دقت اېتیلیشی طلب قیلینگن.
