تورکیه نینگ انقره شهریده «افغانستان تورکلری علمی ییغینی» ایکینچی باسقیچی باشلندی.
بو باسقیچ تۉرت ییغین‌دن عبارت بۉلیب اونگه افغانستان تورکلری نینگ سیاسی، تاریخی و فرهنگی مساله‌لریگه عاید تورلی مساله‌لر حقیده، پنل‌لر بۉلیب اۉته‌دی.
دیمک اوشبو باسقیچ نینگ بیرینچی ییغینی «تاریخده افغانستان تورکلری نینگ اۉرنی و اهمیتی» عنوانی آستیده بۉلیب، بو ییغین‌ده افغانستان‌ده تورکلر حاکمیتی و شونگه اوخشش تاریخی مساله‌لر تۉغریسیده بحث اېتیله‌دی.
ایکینچی ییغین‌ده اېسه افغانستان تورکلری نینگ اجتماعی و فرهنگی احوالی همده تورکیه و افغانستان مناسبت‌لری محاکمه اېتیله‌دی.
شونینگدېک بو باشقیچ نینگ اوچینچی ییغینی‌ده، افغانستان تورکلری نینگ سیاسی جریان‌لری، مارشال دوستم نینگ بجرگن ایش‌لری شونینگدېک افغانستان طالبان قۉلی‌گه تاپشیریلیشی کبی موضوع‌لر خصوصیده بحث اېتیله‌دی و تۉرتینچی ییغین‌ده اېسه افغانستان تورکلری یوز مه یوز بۉلیب تورگن قیینچیلیکلر و بو معمالر اوچون ییچیم-یۉللر حقیده بحث‌لر بۉلیب اوته‌دی.
ایتیش کېره‌ک که ییغین یکونیده، قوشمه بیر بیانات هم نشر اېتیلیشی معلوم قیلینگن.
