عیاللر فریادی نامی آستیده‌گی حرکت، ناراضلیک بیر نمایش یۉلگه قوییب ایران‌ده، امیر توسلی ناملی افغانستان‌لیک یاش پیلوت اۉزینی آلاو بېریب اۉلدیرگنی برابریده، مناسبت بیلدیردی.
بو حرکت اعضالری نینگ تاکیدلشیچه، ایران‌ده یوز بېرگن اچینرلی اوشبو واقعه، مهاجرلر یوز مه یوز بۉلیب تورگن آغیر احوال‌نی حکایه قیله‌دی.
اولر دنیاده دوام اېتیب تورگن، مهاجرلرگه قرشی یامان یانده‌شوولردن تنقید قیلیب، مملکتلردن افغانستان‌لیک مهاجرلرنی جبری چیقارمسلیکلرینی سۉرهدی.
شونینگدېک بو حرکت اعضالری تامانیدن نشر اېتیلگن بیاناتده، جانلری خوف آستیده بۉلگن افغانستان‌لیک مهاجرلر اۉز مملکتلرینی ترک اېتیب مهاجرت یۉلینی آلگن. بیراق اولر حقارت و انسانیت‌گه قرشی یانده‌شوولر بیلن دوچ کېلگنینی معلوم قیله‌دی.
بو حرکت اعضالری نینگ تاکیدلشیچه، جبری چیقاریش کبی مهاجرلر برابریده‌گی یانده‌شوولر، انسانیت‌گه قرشی قرار دیر.
ایتیش کېره‌ک که اخیرگی کونلر ایچیده، امیر توسلی ناملی افغانستان‌لیک پیلوت، ایران حکومتی تامانیدن چیقاریلیشی خوفی آستیده قرار تاپکندن کیین اۉزینی اۉلدیریش‌گه قرار قیلدی.
