تورکیه نینگ پایتختی انقره شهریده دوستم بنیادی تشبثی بیلن اۉتکزیلگن «افغانستان تورکلری علمی ییغینی» یکونی‌ده، بیر بیانات تیارلنیب، بو ییغین اشتراکچیلری طلب‌لری و تکلیف‌لری اعلام اېتیلدی.
مذکور بیانات ۱۴ بنددن عبارت بۉلیب، افغانستان تورکلری نینگ احوالی حقیده ایریم تکلیف‌لر و طلب‌لر بیان اېتیلگن.
انقره ییغینی اشتراکچیلری «جنوبی تورکستان» آتی اوزگرتیریلیب، اونگه «شمالی افغانستان» دېگن سۉزلر ایشله‌تیشینی قاره‌لب، بوندن کیین رسمی مکتوب‌لر و احتفاللرده «جنوبی تورکستان» سۉزی‌دن ایش آلینیشی تاکید اېتیلگن.
اوشبو بیانات نینگ ایکینچی بندی‌ده کېلیشیچه “افغانستان شمالی قسمیده ۱۲ میلیون تورک ساکن دیر و تاریخی و مدنی طلب‌لر اساسیده بو جمعیت «جنوبی تورکستان خلقی» دېب تانیشتیریلیشی تاکیدلندی. بو منطقه تاریخده بویوک تورکستان بیر بۉلیمی اېدی و ۲۰ – عصر باشی‌گه قدر «تورکستان» آتی بیلن تانیلگن.“
شونینگدېک انقره ییغینی نینگ یکونلی بیاناتیده، اۉزبېک تیلی افغانستان‌ده رسمی تیل اوله‌راق تن آلینیشی تاکید اېتیلگن.
عینی حالده، افغانستان تورکلری بیلن باشقه تورکی مملکتلر اینقسه تورکی دولتلر تشکیلاتی آره‌سیده هم هماهنگلیک یره‌تیلیشی، بو بیانات باشقه تکلیف‌لریدن دیر.
