روسیه ملی خوفسیزلیک کېنگشی نینگ اۉرین باسری همده سابق جمهور باشلیغی دیمیتر مدودف، اۉزی نینگ ایکس صحیفه‌سیده یازگن بیاناتیده، اوچینچی جهان اوروشی یوز بېریشی ممکن‌لیگیدن آگاه‌لنتیردی.
روسیه نینگ بو ییریک مقامی، بو مملکت خصوصیده بۉلگن امریکا جمهور باشلیغی دونالد ترامپ نینگ اخیرگی بیانات‌لری تۉغریسیده مناسبت بیلدیریب، اوچینچی جهان اوروشی‌دن آگاه‌لنتیرگن.
مدودف نینگ یازیشیچه “ترامپ نینگ پوتین آلاو بیلن اۉینه‌ماقده و روسیه اوچون یامان عاقبت‌لر اۉرته‌گه کېله‌دی دېگن سۉزلری خصوصیده ایتیشیم کېره‌ک که مین یالغیز بیر یامان واقعه‌نی بیله‌من بو واقعه هم اوچینچی جهان اوروشی دیر. امید قیله‌من ترامپ بو مساله‌نی توشینسه!”
ایتیش کېره‌ک که اخیرگی امریکا جمهور باشلیغی اخیرگی کونلر ایچیده، اوکراین اوروشی دوامی اېتیشی اوچون روسیه جمهور باشلیغی‌دن تنقید قیلیب، پوتین‌نی تیلبه اۉقیگن اېدی.
