آذربایجان جمهور باشلیغی الهام علی‌اف، پاکستان باش وزیری شهباز شریف بیلن قره باغ نینگ لاچین منطقه‌سیده اوچره‌شدی.
دېیرلی بو اوچره‌شوو اۉتگن کون سه‌شنبه ۶ – جوزا، پاکستان باش وزیری نینگ آذربایجان‌گه بۉلگن رسمی تشریفی دوامی‌ده اۉتکزیلگن.
اوچره‌شووده، ایکی تامانلمه همکارلیکلرگه قوشیمچه منطقه تینچ‌لیگی و برقرارلیگی خصوصیده هم فکر المشتیریلگن.
آذربایجان جمهورلیک ریاست مطبوعات خذمتی تامانیدن نشر اېتیلگن بیانات‌گه کۉره، پاکستان باش وزیری آذربایجان ایرکین‌لیک کونینی تبریک‌لب، قره باغ‌گه قۉلگه کېلگن بو مملکت یوتوق‌لرینی هم قدرله‌گن.
شونینگدېک ایکی مملکت دولت رهبرلری اسلام‌آباد و باکو آره‌سیده تورلی ساحه‌لرده همکارلیکلر آشیشی خصوصیده هم موافقت قیلگن.
عینی حالده، آذربایجان جمهورلیک ریاستی، تورکیه، آذربایجان و پاکستان دولت رهبرلری آره‌سیده اوچ تامانلمه بیر ییغین اۉتکزیلیشیدن هم خبر بېرگن.
