فاریاب ولایتیده طالبان خوفسیزلیک قومندان‌لیگی نینگ اعلام قیلیشیچه، بو ولایتده اوچ کیشی چیت ایل مملکتلردن بیری نینگ ویزاسینی جعلی توزاتیب، اهالی‌گه ساتیش‌گه عیب‌لنیب اوشله‌نگنیدن خبر بېردی.
طالبان خوفسیزلیک قومندان‌لیگی بوگون چهارشنبه ۷ – جوزا نشر قیلگن بیاناتیده ادعا قیلیشیچه، بو شخص‌لر جعلی ویزا چیقاریب، اهالی‌گه ۳۶ مینگ افغانی اطرافیده ساته‌دی اېکن.
دېیرلی طالبان بو شخص‌لرنی، میمنه شهری بیرینچی خوفسیزلیک حوزه‌سیده واقع منطقه‌لر بیری‌دن اوشله‌گنینی معلوم قیلگن.
ایتیش کېره‌ک که اخیرگی ییللر ایچیده، افغانستان‌ده دوام اېتیب کېله‌یاتکن آغیر اقتصادی وضعیت، ایش‌سیزلیک و شونگه اوخشش باشقه باسیم‌لر سبب اهالی چیت‌ایل کېتیش‌گه هجوم قیلگن. شو باعث چیت ایل مملکتلری نینگ ویزاسی‌گه قۉل تاپیش بیراز قییند بۉلگن.
