فاریاب بیلیم یورتیده اۉزبېک تی‌وی منبع‌لری نینگ تصدیق‌لشیچه، بو بیلیم یورت اۉقیتووچیلری جمله‌سیدن ۶۶ کیشی، طالبان تامانیدن ایش‌دن بوشه‌تیلگن.
منبع‌لرنینگ تاکیدلشیچه، فاریابده ایش‌دن بوشه‌تیلگن بیلیم یورتی استادلری جمله‌سیده ۴۰ گه یقینی عیاللر دیر.
اۉزبېک تی‌وی اختیاریده قرار تاپکن معلومات‌گه کۉره، طالبان فاریاب بیلیم یورتی اۉرگتیش و تربیه‌لش فاکولته‌سیدن، کمیده ۱۵ اۉزبېک عیال استادنی ایش‌دن بوشه‌تگن و یالغیز بیر پشتون عیال استادنی سقلب قالگن.
دېیرلی فاریاب بیلیم یورتی عیال اۉقیتووچیلریدن جمله‌سیدن، بیر نیچه عیال اۉقیتووچی‌دن باشقه بوتونله‌ی ایش‌دن بوشه‌تیلگنی اَیتیله‌دی.
ایتیلیشیچه، فاریاب بیلیم یورتیده ایش‌دن بوشه‌تیلگن استادلر ایچیده، اوزاق مدت‌لی تجربه همده یوقاری علمی عنوان‌گه ایگه کیشی‌لر هم بار دیر.
ایتیش کېره‌ک که طالبان حاکمیتی، بودجه ییتیشتیرالمسلیگی سبب‌لی، افغانستان دولت اداره‌لریدن ایشچی‌لرنی ایش‌دن بوشه‌تماقده دیر. بوندن ایلگری طالبان معارف وزیرلیگی چوکاتیدن ۳۰ فایزدن کۉپراق و یوکسک اۉقوو وزیرلیگی تشکیلاتیدن کمیده ۱۴ فایزی بست‌لری تنقیص بۉلگنی بیلدیریلگن اېدی.
