ایریم یېتکیرمه‌لر هندوستان تشقی ایشلر وزیرلیگی سۉزلاوچیسی رندهیر جیسوال‌دن نقل قیلیب خبر بېریشیچه، بو مملکت افغانستان وطنداشلریگه شاشیلینچ ویزا ترقه‌تیش تیزیمینی بیکار قیلیب، اۉرنیده ینگی تیزیم‌نی فعال قیلگن.
ایتیلیشیچه، هندوستان تامانیدن ینگی ویزا ترقه‌تیش ینگی تیزیمی ۲۹ – اپریل‌دن ایش‌گه توشیریلگن.
هندوستان بو تیزیم آرقه‌لی، افغانستان‌لیک طلبه‌لر، کسللر و بیرلشکن ملتلر تشکیلاتی‌گه تېگیشلی دیپلوماتیک طلب‌لرگه ویزا ترقه‌تَدی.
شونیندېک هندوستان تشقی ایشلر وزیرلیگی، بو مملکتده یشاوچی افغانستان وطنداشلریدن ویزالرینی اوزه‌یتیریشلرینی سۉره‌گن.
ایتیش کېره‌ک که طالبان حاکمیت‌گه قیتگنیدن کیین، هندوستان افغانستان وطنداشلریگه ویزا ترقه‌تیش‌نی قییندلشتیرگن اېدی. اوشبو وضعیت باعث کۉپلب طلبه‌لرنینگ اۉقیش‌لری برابریده هم قیینچیلیک یره‌تیلدی.
