طالبان کانلر و پترولیم وزیرلیگی نینگ اعلام قیلیشیچه، بو وزیرلیک و تورکیه نینگ سفیر سونداچ کمپنیه‌سی اۉرته‌سیده بیر شرطنامه امضالنگن.
دېیرلی بوگون شنبه ۱۰ – جوزا امضالنگن اوشبو شرطنامه اساسیده، طالبان جوزجان ولایتی یتیم تاق کانلریدن اوچ ته قودوق‌دن گاز ایشلب چیقاریش ایشلرینی، تورکیه‌لیک بو کمپنیه‌گه تاپشیرگن.
طالبان مذکور شرطنامه ۸ میلیون امریکا دالر ارزشی‌گه بۉلگنینی هم اعلام قیلدی.
طالبان کانلر و پترولیم وزیرلیگی تامانیدن بو حقده نشر اېتیلگن معلومات اساسیده، تورکیه‌لیک بو کمپنیه یتیم تاق‌ده‌گی اوچ قودوق‌نی قازیش ایشلرینی بیر ییل‌گه قدر یکونلنتیره‌دی که بو ایش یکونلنگندن کیین مذکور قودوق‌لردن هر کیچه و کوندوز ایچیده یوز مینگ متر مکعب گاز چیقاریله‌دی.
