بغلان ولایتی بورکه اولسواللیگیده اۉزبېک تی‌وی منبع‌لری نینگ ایتیشیچه، بو ولایتده اۉزبېک سپورتچیلردن بیر کیشی، طالبان تامانیدن اۉلدیریلگن.
بو حقده اۉزبېک تی‌وی اختیاریده قرار تاپکن معلومات‌لرده، مذکور سپورتچی‌دن عبدالحمید دېب آت توتیلگن که بو کیشی اۉتگن جمعه کونی جمعه ۹ – جوزا بورکه اولسواللیگیده، ناتانیش شخص‌لر تامانیدن اۉلدیریلگن.
ایتیلیشیچه ۳۲ یاشر عبدالحمید «دره فلول» منطقه‌سیده سیاحت‌گه باریش مقصدیده اوی‌دن چیقیب کېتگن اېکن که ناتانیش شخص‌لر تامانیدن اۉلدیریلیب جسدی «نوآباد» ناملی منطقه‌لرده بیری‌ده تشلب کېتیلگن.
منبع‌لرنینگ آرتیق‌لشیچه، بورکه اولسواللیگی نینگ تانیقلی بو سپورتچیسی یقین‌ده تورکیه‌دن چیقاریلیب، افغانستان‌گه یوباریلگن اېکن که بو ییرده ناتانیش شخص‌لر تامانیدن اۉلدیریله‌دی.
عبدالحمیددن اۉزبېک تی‌وی گه یوباریلگن صورت‌لرده، بو کیشی اۉلدیریلمس‌دن ایلگری کلتک‌لنگنی کۉرینه‌دی.
