آسوشیتدپرس یېتکیرمه‌سی فرانسه حکومتی رسمی‌لریدن نقل قیلیب خبر بېریشیچه، بو مملکت فوتبال جماعه‌لریدن «پاریسن جرمن فوتبال جماعه»سی نینگ اروپا قهرمان‌لر لیگه‌سیده‌گی قهرمان‌لیگیدن نشان‌لش، قانلی تمام بۉلگن.
بو حقده نشر اېتیلگن گزارش‌نی بیلدیریشیچه، پاریسن ژرمن قهرمان‌لیگینی نشان‌لش مقصدیده، فرانسه مملکتی بویلب اۉتکزیلگن خرسندچیلیک ییغیلیش‌لرده، ایکی کیشی جان بېرگن و بیر پولیس هم آغیر یره‌لنگن.
ایتیلیشیچه مذکور فوتبال جماعه مخلص‌لریدن ۱۷ یاشر بیر باله خرسندچیلیک احتفاللرده پیچاقلنیب اۉلدیریلگن و ینه بیر کیشی‌نی مذکور احتفاللرده موتر اۉریب اۉلدیرگن.
عینی حالده، فرانسه حکومتی نینگ رسمی‌لری بو ییغیلیش‌لر جریانیده، بیر پولیس پاریسن ژرمن مخلص‌لری نینگ آلاو اۉیینی‌گه دوچ کېلیب، آغیر یره‌لنگنینی معلوم قیلگن.
ایتیش کېره‌ک که پاریسن ژرمن فوتبال جماعه‌سی، اوزاق ییللر کوتیش‌دن کیین اۉتگن کیچه ایتالیا نینگ «اینتر میلان» فوتبال جماعه‌سیگه قرشی غلبه قازانیب، اروپا قهرمان‌لر لیگه‌سی نینگ نوبتده‌گی قهرمانی‌گه اَیله‌ندی.
