روسیه و اوکراین آره‌سیده قانلی اوروش ایکی ییل‌دن بیری دوام اېتر اېکن، بو ایکی مملکت وکیللری ایکینچی مراتبه تورکیه نینگ استانبول شهریده، اوچره‌شیب تینچ‌لیک یۉللرینی محاکمه قیلدی.
خلق‌ارا یېتکیرمه‌لر تامانیدن اوشبو مذاکره بحث‌لری و ایکی تامان شرط‌لری حقیده نشر اېتیلگن معلومات‌لرگه کۉره، روسیه و اوکراین مملکتلری، اوروش یکونلنیشی و تینچ‌لیک تامین‌لنیشی اوچون فرق‌لی شرط‌لرنی ارایه قیلگن.
رویترز یېتکیرمه‌سی نینگ یازیشیچه، روسیه و اوکراین نینگ تینچ‌لیک اوچون بۉلگن شرط‌لری انیق بیر بیراوی‌گه قرشی توره‌دی. بو اېسه اوکراین اوروشی تیزلیکده یکونلنیشینی بیرازگنیه اوزاق کۉرسه‌تَدی.
روسیه تینچ‌لیک اوچون نیمه خوهله‌یدی؟
روسیه حکومتی اوکراین اوروشینی یکونلنتیریب و تینچ‌لیک تامین‌لنیشی‌گه تَن بېریشی اوچون بیر قنچه تکلیف‌لر، اېسته‌کلر و شرط‌لرنی ارایه قیلگن که بو شرط‌لرنی مهمی قوییده‌گی مساله‌لر دیر.
- اوکراین حکومتی طرف‌سیز قالیشی و ناتو خوفسیزلیک تشکیلاتی اعضاسی‌گه اَیلهنمسلیگی
- اوکراین حربی کوچی برابریده ایریم چیکلاولر یره‌تیلیشی
- میلادی ۲۰۱۴ – ییل روسیه اۉزیدن قیلیب آلگن «کریمیه جزیره‌سی» رسمیت‌گه تانیلیشی.
- اخیرگی ییللر جریانیده روسیه باسیب آلگن اوکراین ایریم منطقه‌لری روسیه‌گه رسمی تاپشیریلیشی.
- اوکراین حکومتی بو مملکت روس وطنداشلری حقلرینی نظرگه توتیشی.
- روس تیلی اوکراین‌ده رسمی تیل اوله‌راق اعلام اېتیلیشی.
اوکراین اوروش یکونلنیشی اوچون نیمه خواهلهیدی؟
ایکی ییل‌دن بیری غربی مملکتلر کتته قوللب-قوتلشی بیلن روسیه‌گه قرشی توریب کېله‌یاتکن اوکراین حکومتی هم اوروش یکونلنیب، تینچ‌لیککه موافقت قیلیشی اوچون ایریم شرط‌لرنی اعلام قیلگن که بو شرط‌لر مهمی قوییده‌گی مساله‌لر دیر.
- اوکراین حربی کوچی‌گه هیچ قندی چیکلاو یره‌تیلمس‌لیگی
- اوروش زمانی‌ده روسیه تامانیدن باسیب آلینگن منطقه‌لر رسمیت‌گه تانیلمس‌لیگی.
- روسیه اوکراین‌گه غرامت تاپشیریشی
