آسترالیا تشقی ایشلر وزیرلیگی بوگون سه‌شنبه ۱۳ – جوزا بیر بیانات نشر قیلیب، بو مملکت وطنداشلریدن افغانستان‌گه سفر قیلمسلیکلرینی سۉره‌گن.
آسترالیا تشقی ایشلر وزیرلیگی بیاناتیده، افغانستان خوفسیزلیک وضعیتی خوفلی و ایشانچ‌سیز بیان بۉلیب، بو مملکتده ترورچیلیک تهدیدلری جدی موجودلیگی بیلدیریلگن.
شونینگدېک آسترالیا تشقی ایشلر وزیرلیگی، بو مملکت وطنداشلرینی افغانستان‌گه سفر قیلگن تقدیرده، طالبان تامانیدن حبسگه آلینیشی هم ممکن دېب آگاه‌لنتیرگن.
ایتیش کېره‌ک که بوندن ایلگری هم آسترالیا و شونگه اوخشش دنیا باشقه بیر قنچه مملکتلری جمله‌دن امریکا قوشمه ایالتلری، وطنداشلریدن افغانستان‌گه سفر قیلمسلیکلرینی سۉره‌گن اېدی.
آسترالیا شوندی بیرحالده وطنداشلرینی افغانستان‌گه سفر قیلیش‌دن تقیق‌لماقچن دیر که طالبان مملکتده تینچ‌لیک تامین‌لنگنینی ادعا قیلیب کېلماقده.
