طالبان تشقی ایشلر وزیرلیگی نینگ سرپرستی، افغانستانده بیرلشکن ملتلر تشکیلاتی نینگ نمایندهلیگی یا ده «یوناما» باشلیغی رزا اوتنبایوا بیلن اوچرهشیب، طالبان و خلقارا همجمعیتی مناسبتلری حقیده صحبتلشگن.
طالبان تشقی ایشلر وزیرلیگی نینگ اعلام قیلیشیچه، بو اوچرهشووده امیرخان متقی بیرلشکن ملتلر تشکیلاتیدن، اروپا مملکتلرده یشاوچی افغانستانلیکلرگه قونسولی خذمتلر ترقهتیلیشی اوچون طالبان بیلن یاردم بېریلیشینی سۉرهگن.
شونینگدېک طالبان یونامادن، افغانستانده بو حاکمیت یوتوقلریدن گزارش تیارلب، دنیا همجمعیتیگه ییتکزیشینی سۉرهگن.
طالبان نینگ ادعا قیلیشیچه، بو اوچرهشووده رزا اوتنبایوا بیرلشکن ملتلر تشکیلاتی خوفسیزلیک کېنگشی نینگ کېلهسی ییغینیده، طالبان سۉزلرینی ییتیشیریشینی بیلدیرگن.
ایتیش کېرهک که بوندن ایلگری، یوناما بیر قنچه گزارشلر نشر قیلیب، افغانستانده ایریم مسالهلر جملهدن انسان حقلری آغیر احوالیدن خواطر بیلدیرگن اېدی.
