افغانستان‌ده طالبان حاکمیت‌گه قیتگنیدن یقین تۉرت ییل اۉتماقده دیر و اوشبو مدت ایچیده، اۉزبېکلرگه قرشی کۉپلب تعصب‌لی سیاست‌لر قۉلگه آلیندی.
طالبان حاکمیتیده، اۉزبېکلرنینگ ییرلری‌دن توتیب مدنیتی، تیللری‌دن توتیب تاریخی بارلیکلری برابریده تعصب‌لی یانده‌شوولر بۉلیب، اۉزبېکلر حقلری ایاغ آستیده بۉلدی یا ده ایاغی آستی بۉلیشی اوچون اولگوریلدی.
بو وضعیت دوامی‌ده، یقین کونلر ایچیده فاریاب ولایتی نینگ دولت آباد اولسواللیگیده، اهالی قوزغلان قیلیب، طالبان حاکمیتی دوامی‌ده‌گی تعصب‌لردن شکایت قیلدی‌لر.
مذکور شکایت‌لر شوندی بیرحالده دیر که دولت آباد اولسواللیگیده طالبان، اۉزبېکلر ناموسی بۉلمیش قیزلرگه گپ آتکن پشتون‌لردن حمایه قیلیب، اۉزبېکلرنی قماققه تارتدی.
بونگه قوشیمچه دولت آباد اولسواللیگیده طالبان کوچی‌لرنی اۉزبېکلرگه قرشی قوللب-قوتلب، اۉزبېکلر بوغدای ایکین‌لرینی تراکتور بیلن باستیریب، یۉق قیلدی.
انه شو سبب دولت آباد اولسواللیگی نینگ مدافعه‌سیز اۉزبېک خلقی طالبان نینگ یانده‌شوولریدن چرچه‌گنلری و بو حاکمیت‌ده تعصب، ظلم و پاره‌خورلیک کۉپه‌یگنینی تیلگه آلدی‌لر.
