فاریاب ولایتی دولت آباد اهالیسی بوش قۉللری بیراق کوچلی جسارت‌لری بیلن طالبان ظلملری و تعصب‌لی یانده‌شوولری برابریده کوچه‌گه چیقدی‌لر.
دولت آبادده اهالی قوزغلانی، اۉزبېک قیزلرگه گپ آتیلگنی و اوندن کیین اۉزبېک ناموسی‌دن حمایه قیلگن اۉزبېک ییگیت‌لر حبسگه آلینیشیدن کیین باشلنگن بۉلسه-ده، بیراق بو منطقه‌ده تعصب‌لی یانده‌شوو اخیرگی تۉرت ییل ایچیده، یالغیز بو واقعه بیلن خلاصه بۉلیب قالمه‌یدی.
بو بیلن ایتیش ممکن که دولت آباد اۉزبېکلرگه قرشی شوم قومی ریجه‌لرنی عملگه آشیریش مهم مکان‌لریدن بیری‌گه اَیله‌نگن چونکه بو ییرده ناتانیش کوچی‌لر آلیب کېلینیب، دولت آباد نینگ یخشی منطقه‌لریده جایلهشتیریلماقده دیر.
شونینگدېک بو کوچمنچی‌لر و ناتانیش‌لر دولت‌آباده طالبان تامانیدن حمایه‌لنیب، خلق آره‌سیده کوچلی تحمیل اېتیلماقده.
بو سیاست قنچه‌لیک جدی اېکنینی طالبان نینگ دولت آبادده‌گی کوچی‌لر و پشتون‌لردن بۉلگن هر تامانلمه حمایه‌لریدن بیلیشینگیز ممکن. چونکه طالبان حتا اسلامی دینی‌گه مقدس بۉلگن خلق رزقینی ایاغی آستی قیلیب، اۉزبېکلر بوغدای ایکینلرینی تراکتور بیلن باستیریب پشتونلرگه تاپشیرماقده دیر.
عینی حالده، طالبان ناقللرنی جایله‌شتیریش ریجه‌سینی عملگه آشیریش اوچون هم دولت آبادنی مقصدلی تنله‌گن. چونکه اخیرگی وقت ایچیده، مهاجرلر اوچون بۉلگن طالبان شهرچه‌سی دولت آبادده قوریلیشی معلوم قیلیندی. بو دېگنی طالبان قومی ریجه اوچون دولت آبادگه مقصدلی قره‌ماقده دیر.
