فاریاب ولایتی دولت آباد اولسواللیگیده، اهالی نیچه کوندن بیری ناراضلیک نمایش‌لرنی یۉلگه قوییب، طالبان نینگ قومی یانده‌شوولریدن تنقید قیلیب کېلماقده.
حاضرگه قدر اۉنلرچه اهالی طالبان تامانیدن حبسگه آلینگن و بونگه قوشیمچه طالبان خلق طلب‌لری برابریده اعتبارسیز کېتماقده دیر.
دولت آباد تومنی‌ده، اهالی ناراضلیگی دوام اېتر اېکن حاضرگه قدر بو قنچه تورک-اۉزبېک نهادلری بو وضعیت خصوصیده، اۉز خواطرلرینی اعلام قیلگن.
افغانستان تورکتبار عیاللری حرکتی، افغانستان تورکتبارلری مدنی نهادلری و لاجورد یۉلی تدقیقات مرکزی کبی بیر قنچه تشکیلات‌لر، علیحده نشر قیلگن بیاناتلریده، دولت آباد احوالینی آغیر دېب، اهالی طلب‌لری و ناراضلیکلریگه اعتبار قره‌تیلیشینی سۉره‌گن.
طالبان اېسه دولت آباد اهالیسی ناراضلیکلرینی حربی قرشی‌لب، اهالی اوستیده باسیم‌لرنی کۉپه‌یتیرگن.
