انسان حقلری کېنگشی نینگ اعلام قیلیشیچه، بو کېنگش نینگ ۵۹ – دور ییغینی اېرته دوشنبه کونی (۲۶ – جوزا و ۱۶ – جون) ژینو شهریده باشلنیب، ۱۸ – سرطان و ۹- جولای‌گه قدر دوام اېته‌دی.
ایتیلیشیچه بو ییغین نینگ بیرینچی کونی‌ده، افغانستان‌ده دوام اېتیب تورگن انسان حقلری وضعیتی تیکشیریله‌دی.
بو ییغین شوندی بیرحالده اۉتکزیلماقده دیر که افغانستان‌ده انسان حقلری اینقسه عیاللر حقلری احوالی تاباره آغیرلشیب باره‌یاتکن.
افغانستان‌ده بو وضعیت دوام اېتر اېکن، دنیا بویلب مملکتلر و تشکیلات‌لر بو وضعیت‌گه نقطه قوییلیشی اوچون طلب‌لر تیلگه آلینگن. طالبان اېسه بو طلب‌لرگه قرشی اۉزی نینگ قتتیق یاندهشوولرینی عملگه آشیریب کېلماقده دیر.
