تورکیه جمهورلیک ریاستی نینگ مطبوعات خذمتی بولیمی تامانیدن نشر قیلینگن بیانات اساسیده، بو مملکت جمهور باشلیغی رجب طیب اردوغان، امریکا قوشمه ایالتلری جمهور باشلیغی دونالد ترامپ بیلن، تلیفونی صحبت قیلگن.
تورکیه جمهورلیک ریاستی نینگ اعلام قیلیشیچه، اوشبو ملاقاتده منطقه‌ده دوام اېته‌یاتکن وضعیت، اینقسه اسراییل و ایران آره‌سیده‌گی تۉقنه‌شوولر، محاکمه اېتیلگن.
تورکیه جمهور باشلیغی، ایران و اسراییل اوروشی تیزلیک بیلن توگه‌شینی تاکیدلب، بو حقده سۉزلشوو آرقه‌لی ییچیم-یۉل تاپیلیشی کېره‌ک‌لیگینی بیلدیرگن.
اردوغان نینگ ایتیشیچه “ایران‌گه قرشی اسراییل هجوملری بیلن باشلنگن زوره‌وانلیکلر، ایکی تامان اقتصادیاتی و تینچ اهالیسی اوستیده جدی زیان کېلتیرگن. شوندی اېکن دهشت‌لی بو وضعیت دوامی آلدینی آلیش اوچون تیزلیک بیلن چاره-تدبیر کۉریلیشی کېره‌ک دیر.”
عینی حالده، رجب طیب اردوغان هسته‌ای قورال خصوصیده‌گی ضدیت‌لر هم سۉزلشوو آرقه‌لی حل اېتیلیشی کېره‌ک‌لیگینی بیلدیریب، بو حقده تورکیه مملکتی قوله‌یلیک یره‌تیشگه تیار دېب اعلام قیلگن.
