طالبان نظارتی‌ده بۉلگن افغانستان نینگ تورکیه‌ده‌گی ایلچیسی، بو حاکمیت ایلچیسی زبیر ودان تورکیه عدلیه وزیرلیگی نینگ اۉرین باسری خورشید ایلدیریم بیلن اوچره‌شگنیدن خبر بېردی.
تورکیه‌ده افغانستان ایلچی‌خانه‌سی بو ایلچی‌خانه ایکس/سابق تویتر صحیفه‌سیده یازیشیچه، اوشبو اوچره‌شووده تورکیه‌ده افغانستان‌لیک محبوس‌لر احوالی همده اولرنی افغانستان‌گه انتقال بېریلیشی خصوصیده فکر المشتیریلگن.
ایلچی‌خانه بیاناتیده، بو محبوس‌لر همده اولر قندی انتقال بېریلیشی خصوصیده آرتیقچه معلومات بېریلگن اېمس.
طالبان شوندی بیرحالده بو حقده تورکیه رسمی‌لری بیلن سۉزله‌شماقده دیر که بو گروه افغانستان حاکمیتی‌گه قیتگنیدن بیری، تورکیه‌ده افغانستان‌لیک مهاجرلر باریشی کۉپه‌یگن.
عینی حالده تورکیه حکومتی هم بو مهاجرلرگه قرشی باسیم‌لر آشیریب، کۉپلب مهاجرلرنی کمپ‌لرده محبوس اسره‌ماقده دیر.
