طالبان تشقی ایشلر وزیرلیگی بوگون پنجشنبه ۲۹ – جوزا نشر قیلگن بیاناتیده، بو وزیرلیک سرپرستی امیرخان متقی، افغانستان اوچون ناروی ایلچی‌خانه‌سی شارژدافیری پیر البرت الساس بیلن اوچره‌شگنیدن خبر بېردی.
طالبان تشقی ایشلر وزیرلیگی بیاناتیده ادعا قیلیشیچه، ناروی مملکتی نینگ بو دیپلوماتی اوشبو مملکت‌دن بیر هیات یقین کونلر ایچیده، افغانستان‌گه کېلیشیدن خبر بېرگن.
ایتیلیشیچه بو هیات، طالبان حاکمیتی آستیده‌گی افغانستان بیلن علاقه‌لرنی یقین‌دن تیکشیریش مقصدیده، سفر قیله‌دی.
عینی حالده طالبان تشقی ایشلر وزیرلیگی سرپرستی، ناروی تامانیدن بو حاکمیت دیپلوماتی قبول قیلینگنینی هم خوش قرشی‌لگن.
