طالبان‌گه قرشی آزادلیک جبهه‌سی بیر بیانات نشر قیلیب، ادعا قیلیشیچه بو جبهه جنگری‌لری تامانیدن کابلده اویوشتیریلگن بیر هجومده، طالبان اعضالری نشان‌گه آلینگن.
آزادلیک جبهه‌سی نینگ ادعا قیلیشیچه، کابل نینگ سرای‌شمالی منطقه‌سیده اۉیوشتیریلگن بو هجوم عاقبتیده، طالبان جنگری‌لریدن ۲ کیشی جان بېریب و ینه بیر کیشی اېسه یره‌لنگن.
آزادلیک جبهه‌سی مذکور هجوم اۉتگن کیچه ساعت ۸:۴۰ دقیقه اطرافیده اۉیوشتیریلگنینی اعلام قیلگن.
طالبان حاضرگه قدر بوندی بیر هجوم صادر بۉلگنی حقیده بیران معلومات بېرمه‌گن.
ایتیش کېره‌ک که آزادلیک جبهه‌سی طالبان‌گه قرشی کۉپلب ولایتلرده، هجوم اۉیوشتیرگنینی ادعا قیلیب کېلماقده. بیراق طالبان اېسه بو هجوملردن هیچ بیرینی حاضرگچه تصدیق‌لگن اېمس.
