طالبان نینگ فاریاب ولایتیده‌گی اخبارات و مدنیت ریاستی، بیر بیانات نشر قیلیب، بو ولایتده «دی‌سی» رسوملی توپ اۉقی نینگ پارتلشی عاقبتیده بیش کیشی یره‌لنگنیدن خبر بېردی.
بو حقده نشر اېتیلگن بیانات‌گه کۉره، اوشبو واقعه فاریاب ولایتی قیصار تومنی نینگ «حیدری‌خانه» منطقه‌سیده یوز بېرگن.
فاریاب اخبارات و مدنیت ریاستی نینگ ایتیشیچه، مذکور توپ اۉقی، ایسکی نرسه‌لرنی ساتووچی دکان‌لردن بیری‌ده پارتله‌گن.
واقعه‌ده ۱۲ و ۱۵ یاشر ابراهیم و عیسی ناملی ایکی باله همده محمد، ملا بازمحمد و قطب الدین ناملی ینه اوچ کیشی یره‌لنگن.
ایتیلیشیچه توپ اۉقینی عیسی ناملی ۱۵ یاشر باله تاپیب ساتیش مقصدیده ملا بازمحمد دکانی‌ده آلیب کېلگن اېکن که پارتله‌یدی.
