تورکیه تشقی ایشلر وزیری خاقان فیدان، یقین شرقده دوام اېتیب تورگن وضعیت‌دن خواطر بیلدیریب، بو وضعیت‌گه ییتیشیش اوچون اسلام عالمی بیرلیکده حرکت قیلیشی کېره‌ک دېب اورغوله‌دی.
تورکیه تشقی ایشلر وزیری، استانبولده بوگون شنبه ۳۱ – جوزا باشلنگن اسلامی همکارلیکلر تشکیلاتی تشقی ایشلر وزیرلری ییغینی‌ده نطق سۉزلب، بو مساله‌نی تیلگه آلگن.
خاقان فیدان ایران و اسراییل اوروشی خصوصیده اسلام عالمینی بیرلیککه چقیریب ایتیشیچه “اسلامی همکارلیکلر تشکیلاتی اعضالری ایران و اسراییل اوروشی برابریده، ایران بیلن بیرلیک و بیردم‌لیکده بۉلیب عمل قیلیش‌لری کېره‌ک دیر.”
شونینگدېک تورکیه تشقی ایشلر وزیری یقین شرقده، اسراییل هجوملری و حرکتلریدن هم جدی تنقید قیلدی.
تورکیه تشقی ایشلر وزیری نینگ ایتیشیچه “اسراییل فلسطین‌ده نسل اۉلدیریش‌گه قۉل اۉریب و حاضر بیزنینگ قوشنی‌میز بۉلمیش ایران‌گه هجوم قیلیشی بیلن منطقه‌نی هرتامانلمه بیر توسیق‌لیک یاقه‌سیگه آلیب کېلگن.”
عینی حالده تورکیه تشقی ایشلر وزیری فلسطین و ایران‌ده اسراییل حرکتلری تیزلیک بیلن تۉخته‌تیلیشی کېره‌ک دېب، بو باره بیرلشکن ملتلر تشکیلاتی خوفسیزلیک کېنگشی نینگ ناتوان‌لیکده عیب‌لدی.
