ایران و اسراییل اۉرته‌سیده اوروش باشلنگنیدن بیری، امریکا قوشمه ایالتلری بو اوروش‌گه قندی حضور تاپیشی خصوصیده، خواطرلر موجود اېدی.
امریکا قوشمه ایالتلری، ایران‌گه قرشی بو اوروش‌گه عملی بیرحالده قوشیلیشی حقیده خواطرلر موجود بۉلسه‌ده. بیراق ایران و باشقه ایریم تامانلر امریکا تامانیدن بوندی قرارلر آلینیشیدن آگاه‌لنتیریب کېلماقده اېدی.
اوشبو خواطرلر و خوفلر بار بیرحالده، امریکا قوشمه ایالتلری جمهور باشلیغی دونالد ترامپ، بوگون اېرته‌لب ایران‌گه قرشی هجوم اۉیوشتیرگنیدن خبر بېردی.
دېیرلی امریکا نینگ بو هجوملری، ایران نینگ اوچ مهم هسته‌ای قورال سایتی جمله‌دن «نطنز، فردو و اصفهان» سایت‌لرینی نشان‌گه آلگن.
امریکا جمهور باشلیغی بو سایت اینقسه فردو هسته‌ای سایتی بوتونله‌ی ویران بۉلگنینی ادعا قیلسه‌ده، بیراق ایران اسلامی جمهوریتی بو سایت‌لر اونچه‌لیک زیان کۉرمه‌گنینی بیلدیریب کېلماقده دیر.
دیمک امریکا نینگ ایران‌گه قرشی بو هجوملری، اوروش کېنگه‌یشی خصوصیده خواطرلرنی جدی‌لشتیرگن. شوندی هم ایران و اسراییل کوچلری بیر بیراویگه قرشی هجوملرینی جدیلشتیریب دوام بېریب کېلماقده.
عینی حالده، بیرلشکن ملتلر تشکیلاتی نینگ باش کاتبی آنتونیو گوتریش، امریکا هجوملری برابریده مناسبت بیلدیریب، بو هجوملر منطقه‌ده اوروش‌نی کینگه‌یتیریشی ممکن‌لیگیدن خواطر بیلدیردی.
شونینگدېک ایران تشقی ایشلر وزیرلیگی هم، امریکا بو هجوملری بیلن ایران‌گه قرشی بیر اوروش‌نی باشله‌گنینی تاکیدلب، بو هجوملر عاقبتیدن آگاه‌لنتیرگن.
