جوزجان بیلیم یورتی اۉزبېک تیلی و ادبیاتی بولیمی نینگ طلبه‌لری و استادلری، بو ییل کانکور سیناوی‌ده اشتراک اېته‌یاتکن یاش-ییگیت‌لرنی بو سیناوده اۉزبېک تیلی‌وادبیات‌نی تَن‌لش اوچون ترغیب قیلیش‌گه اولگورماقده.
بو حقده، جوزجان بیلیم یورتی اۉزبېک تیلی‌وادبیاتی استادلری و طلبه‌لری تامانیدن بروشرلر تیارلنیب، اۉزبېک تیلی همده بو تیل‌گه اۉقیش آلیش اهمیتی بیلدیریلگن.
بو کمپاین شوندی بیرحالده یۉلگه قوییلماقده دیر که اخیرگی ییللر ایچیده، افغانستان‌ده قیزلر اۉقیش‌دن محروم اېتیلیشی و باشقه بیر قنچه سبب‌لر باعث، بیلیم یورتلرده طلبه‌لر سانی آزه‌یماقده دیر.
مذکور وضعیت‌دن، اۉزبېک تیلی و ادبیاتی دیپارتمنت‌لری کۉپراق زیان کۉریب، بو بولیملریده طلبه آزلیگی جدی بیر معماگه اَیله‌نگن.
