طالبان تشقی ایشلر وزیرلیگی بوگون دوشنبه ۲ – سرطان بیر بیانات نشر قیلیب، بو وزیرلیک سرپرستی امیرخان متقی، تورکیه تشقی ایشلر وزیری خاقان فیدان بیلن اوچره‌شگنیدن خبر بېردی.
دېیرلی بو اوچره‌شوو، استانبولده اۉتکزیلگن اسلامی همکارلیکلر تشکیلاتی تشقی ایشلر وزیرلری نینگ ۵۱ – دور ییغینی دایره‌سیده اۉتکزیلیب، ایکی تامانلمه مناسبت‌لر همده منطقه‌ده دوام اېتیب تورگن وضعیت محاکمه اېتیلگن.
طالبان تشقی ایشلر وزیرلیگی نینگ اعلام قیلیشیچه، بو وزیرلیک سرپرستی، تورکیه بیلن بۉلگن مناسبت طالبان اوچون مهم دېب، تورکیه بو گروه تشقی سیاستیده خاص اۉرین‌ده ایگه دېب بیلدیرگن.
عینی حالده، طالبان تشقی ایشلر وزیرلیگی نینگ سرپرستی، تورکیه و طالبان اۉرته‌سیده‌گی مناسبت‌لر کوچه‌یشی اوچون ایکی تامانلمه حرکتلر بۉلیشینی طلب قیلگن.
شونینگدېک طالبان تشقی ایشلر وزیرلیگی، تورکیه تشقی ایشلر وزیری هم افغانستان بیلن بۉلگن مناسبت تورکیه اوچون مهم دېب تاکیدلگنینی ادعا قیلدی.
