اسراییل و ایران اۉرته‌سیده باشلنگن اوروش، اۉن کون‌دن بیری دوام اېتماقده دیر.
ایران و اسراییل رسمی‌لری نینگ اعلام قیلیشیچه، ایکی مملکت آره‌سیده باشلنگن اوروش نینگ اۉنینچی کونی بۉلمیش بوگون دوشنبه ۲ – سرطان هم هجوملر دوام اېتیب، ایکی مملکتده ایریم حدودلر نشان‌گه آلینگن.
خلق‌ارا یېتکیرمه‌لرنی گزارش بیریشیچه، ایران نینگ راکته هجوملری اسراییل هوایی مدافعه تیزیم‌لریدن اوتیب، بو مملکتده ایریم حدودلرنی نشان‌گه آلگن.
ایران هجوملری نتیجه‌سیده اسراییل نینگ برق ییتکزیش قوریلمه‌لری زیان کۉریب، برق کېسیلیشی یوز بېرگنی هم اَیتیلماقده دیر.
عینی حالده اسراییل هم هجوملری‌ده، ایران نینگ ایریم منطقه‌لری جمله‌ده ایران قیزیل آی اداره‌سی یقین‌لرینی نشان‌گه آلگن.
حاضرگه قدر بو اوروش قچان و قندی یکونلنیشی بیللی اېمس.
