افغانستان سیناولر ملی اداره‌سی نینگ قراری اساسیده، جاری ییل کانکور سیناوی نینگ اوچینچی باسقیچی چارچوبه‌سیده بیر قنچه ولایتلر جمله‌دن، تورکستان و قطغن کۉپلب ولایتلریده کانکور سیناوی آلینه‌دی.
شونینگدېک مذکور ولایتلرده، ایرته هم کانکور سیناوی آلینیشی ریجه‌لشتیریلگن.
بو ییل هم، مملکت بویلب بیلیم یورتلرگه کېریش امتحانی، طالبان تامانیدن قیزلر حضورسیزلیگیده آلینماقده دیر.
دېیرلی بو اوچینچی ییل کانکور سیناوی دیر که افغانستان‌ده قیزلر حضورسیزلیگیده اۉتکزیلماقده و بو بیلن قیزلرنی اۉقیش‌دن محروم اېتیلیشی همان دوام اېتماقده دیر.
شونینگدېک بو ییل کانکور سیناوی، بیلیم یورتلرده طلبه‌لر آزلیگی معماسی بیلن اۉتکزیلماقده. طالبان دوریده قیزلر اۉقیش‌دن محروم اېتیلیشی و اۉقیش انگیزه‌سی یاش‌لر آره‌سیده آزه‌یشی همده اقتصادی قیینچیلیکلر باعث، بیلیم یورتلرده طلبه‌لر سانی خواطرلی بیرحالده کمه‌یگن.
