اروپا اتفاقی نینگ افغانستاندهگی نماینده‌لیگی بوگون پنجشنبه ۵ – سرطان نشر قیلگن بیاناتیده، افغانستان بویلب مخدره‌لرگه قرشی کوره‌ش مقصدیده جدی سعی‌وحرکت بۉله‌یاتکنیدن ایشانچ بېردی.
اروپا اتفاقی نینگ تاکیدلشیچه، افغانستان اهالیسی ساغلام همده برقرار حیات‌گه قۉل تاپیشی اوچون، اولر مخدره ماده‌لردن اوزاق‌لشیشی خصوصیده تلاش اېتیلماقده دیر.
بو اتفاق نماینده‌لیگی تامانیدن، مخدره ماده‌لرگه قرشی کوره‌ش کونی مناسبتی بیلن نشر اېتیلگن بیاناتده، افغانستان خلق‌نی بو ساحه‌ده قوللب-قوتلش مقصدیده، اروپا اتفاقی ۲۶ میلیون یورو یاردم کۉرسه‌تگنی معلوم قیلینگن.
ایتیش کېره‌ک که افغانستان مخدره ماده‌لردن کۉپ زیان کۉرگن مملکتلردن بیری دیر. کۉپلب سعی‌وحرکتلر بۉلگن بۉلسه‌هم، بیراق هلی هم میلیون‌لرچه انسان مخدره ماده‌لرگه معتاد بۉلیب، آغیر احوالده یشه‌ماقده و کۉپینچه‌لر هم اېسه شو کسللیک سبب جان بېرگن.
