افغانستان‌ده بو ییل هم کانکور امتحانی قیزلر حضورسیزلیگیده اۉتکزیلماقده.
طالبان بو چیکلاوی سبب، کانکور امتحانی اۉغیل یاشلر اوچون کېله‌جکلریگه امید یره‌تگن بۉلسه‌ده، قیزلرگه اېسه محرومیت‌لرینی اېسله‌تدی.
فاریاب‌لیک امیده نیچه ییل دیر که کانکوردن محروم قالماقده و بو چیکلاو اونی اویده قمه‌لیب، آروزلری سرسان بۉله‌یاتکنیگه سبب بۉلگن.
فاریاب‌لیک بو قیزنینگ اۉزبېک تی‌وی گه ایتیشیچه «۱۲ – صنف بېتیرگنیمدن کیین مکتب‌لر باغلندی. درس اۉقیب کېله‌جکده داکتر بۉلیش همده بو یۉل آرقه‌لی جماعه‌گه خذمت قیلیش‌نی امید قیلگن اېدیم. لیکن اوچ ییل‌دن کۉپراق بۉله‌دی که اۉقیش‌دن محروم اېتیلگن‌من. هربار کانکور امتحانی کېلسه مایوس بۉله‌من.»
فاریاب ولایتی نینگ کانکور امتحانی‌دن محروم قاله‌یاتکن قیزلری، اۉزبېک تلویزونی بیلن بۉلگن صحبت‌لریده، هر ییل کانکور امتحانی ییتیب کېلیشی بیلن اولر چوقور قیغوگه باتیش‌لرینی اَیته‌دیلر.
اولرنینگ تاکیدلشیچه، کېله‌جکده اۉقیش آلیب، شفاکار بۉلماقده اېدی. بیراق حاضر اېسه بو آرزولری اولرگه یالغیز بیر خیال‌گه اَیله‌نگن و اوی‌دن توریب، کېله‌جکلرینی قندی بۉلیشینی تشویش قیله‌دیلر.
بو قیزلر ینه بیری فاریاب‌لیک خاتمه مکتب دوریده، بوندی چیکلاوگه دوچ کېلیشی اویله‌می درس اۉقیب سعی‌وحرکت قیلگن اېدی. لیکن حاضر اوچ ییل‌دن بیری بو تقدیر بیلن دوچ کېلگن.
خاتمه نینگ ایتیشیچه «کانکور یالغیز ایرکک‌لردن آلینگنینی ایشیتگنیمیزده، اۉزیمیزنی کم دېب احساس قیله‌میز که نیمه اوچون بیزلر کانکور امتحانینی تاپشیرالمه‌یمیز. مکتب اۉقیدیکان دوریمده آرزولریم کۉپ اېدی. داکتر بۉلیب وطنداشلریمگه خذمت قیلیش‌نی امید قیلگن اېدیم.»
عینی حالده، بیلیم یورت‌نی اۉقیب توگه‌شیگه بیر نیچه آی قالگنده، بیلیم یورت ایشیگی یوزی‌گه یاپیلگن هدیه ابراهیمی ناملی قیز هم آرزولری برباد بۉله‌یاتکنیدن سۉزله‌یدی.
هدیه ابراهیمی بو تۉغریده بوندی دېدی: «سارنوال بۉلیش‌گه قیزیققن اېدیم، شو اوچون حقوق و سیاسی بیلیم‌لر فاکولته‌سیده اۉقیش آلماقده اېدیم. بیزلرنی اینگ اخیرگی سمسترمیز اېدی که بیلیم یورتلر یوزیمیزگه باغلندی.»
ایتیش کېره‌ک که طالبان حاضرگه قدر قیزلر اۉقیشی اوچون قچان رخصت بېریشی آچیقلمه‌ی، افغانستان‌ده میلیونلرچه قیز تقدیری ناانیق حالده قویگن
