پاکستان نینگ شمالی وزیرستانی‌گه قره‌شلی افغانستان چیگره‌سیده یقین حدودلردن بیری‌ده، بو مملکت حربی کوچلری‌گه قرشی قانلی هجوم اۉیوشتیریلگن.
بوگون شنبه ۷ – سرطان بو حقده نشر اېتیلگن خبرلرگه کۉره، اوشبو واقعه عاقبتیده پاکستان حربی کوچلری‌دن کمیده ۱۳ کیشی جان بېرگن.
شونینگدېک پارتلش مواددن توله موتر بیلن عملگه آشیریلگن بو هجوم عاقبتیده، اۉنلرچه کیشی جمله‌دن تینچ اهالی یره‌لنگنی هم معلوم قیلینگن.
حاضرگه قدر بو هجوم‌نی هیچ بیر گروه یا ده شخص اۉز بوینی‌گه آلمه‌گن.
ایتیش کېره‌ک که پاکستان مملکتی اخیرگی وقتلر ایچیده، جدی ناتینچ‌لیک وضعیت‌لرگه گواه بۉلیب کېلماقده دیر و بو مملکت حکومتی بو وضعیت طالبان تامانیدن قوللب-قوتلنگن گروه‌لر آرقه‌لی اۉرته‌گه کېلگنینی ادعا قیله‌دی.
