لاجورد یۉلی تدقیقات مرکزی نینگ رهبرلیک اعضاسی، بوگون شنبه ۷ – سرطان تورکیه‌ده دانمارک ایلچی‌خانه‌سیده، بو مملکت ایلچیسی اوله توفت همده دانمارک نینگ افغانستان بۉییچه مخصوص وکیلی مته کنودسن بیلن اوچره‌شیب، افغانستان وضعیتی همده بو مملکت تورکلری نینگ احوالی حقیده صحبت قیلگن.
اوچره‌شووده، افغانستان کېله‌جگی اوچون بۉلگن بیرلشکن ملتلر تشکیلاتی نینگ یۉل-خریطه‌سی خصوصیده فکر المشتیریلگن.
لاجورد یۉلی تدقیقات مرکزی رهبرلیک اعضاسی، بو اوچره‌شووده افغانستان‌ده برچه خلقلر حقلری نظرگه توتیلگن کینگ قمراولی حکومت اۉرته‌گه کېلیشینی اورغولب، مملکت برچه اهالیسی نینگ سیاسی و اقتصادی حقلری نظرگه توتیلیشی کېره‌ک‌لیگینی بیلدیرگن.
شونینگدېک مذکور مرکز اعضالری، افغانستان‌ده خاص قومی گروه‌لر اینقسه تورکلرنی افغانستان کېله‌جگی اوچون بۉلگن جریان‌لر و قرارلرده چیت‌ده قالدیریلیشیدن هم اۉز خواطرلرینی، دانمارک وکیلی بیلن شریک قیلیب، بو وضعیت‌گه خاص بیر میکانیزم آرقه‌لی چاره کۉریلیشینی تاکید قیلگنلر.
شو بیلن بیرگه لاجورد یۉلی تدقیقات مرکزی اعضالری، افغانستان‌ده کینگ قمراولی همده عدالت‌لی بیر حکومت اۉرته‌گه کېلیشی اوچون، دانمارک مملکتی فعال حصه قوشیشینی طلب قیلگن.
