طالبان معارف وزیرلیگی نینگ اعلام قیلیشیچه، هوا ایسیق‌لیگی سبب مملکت‌نینگ ساووق حدودلریده مکتب‌لر بیش کون تعطیل بۉلینه‌دی.
طالبان معارف وزیرلیگی بو قرار کېله‌سی چهارشنبه کونی ۱۱ – سرطان‌دن یکشنبه کونی ۱۵ – سرطان‌گه قدر عملگه آشیریلیشینی بیلدیرگن.
بو قرار شوندی بیرحالده آلینماقده دیر که اخیرگی کونلر ایچیده، افغانستان‌ده هوا ایسیق‌لیگی جدی‌لشیب باره‌یاتکنیدن آگاه‌لنتیریلگن اېدی.
بوندن ایلگری بیرلشکن ملتلر تشکیلاتی افغانستان کېله‌سی کونلر ایچیده، هوا ایسیق‌لیگی ینگی تۉلقینی‌گه گواه بۉلیشی‌دن خبر بېرگن اېدی.
بیرلشکن ملتلر تشکیلاتی معلوماتی اساسیده، افغانستان ایریم حدودلریده کېله‌سی کونلر هوا ایسیق‌لیگی ۴۵ درجه‌گه قدر کوتاریلیشی ممکن دیر.
