سمنگان و جوزجان ولایتیدن محلی منبع‌لرنینگ اۉزبېک تی‌وی گه بېرگن معلوماتی اساسیده، بو ولایتلرده اۉتکزیلگن تۉرت علیحده کۉرگزمه‌ده، ایکینچیلیک محصولاتلری و قۉل صناعتی، نمایش‌گه قوییلگن.
دېیرلی مذکور کۉرگزمه‌لر (یکشنبه و دوشنبه ۸ –و ۹ – سرطان کونلری)ُ سمنگان ولایتی مرکزی آیبیک شهری و تاشقرغان تومنی‌ده، همده جوزجان ولایتی مرکزی شبرغان شهری و آقچه تومنی‌ده اۉتکزیلگن.
بو کۉرگزمه «WHH» موسسه‌سی تامانیدن، مذکور ولایتلر ایکینچیلیک، چاروه‌چیلیک و سوغاریش ریاست‌لری همکارلیگیده اۉتکزیلگن.
اوشبو کۉرگزمه‌لرنی یۉلگه قوییلیشی‌دن اساسی مقصد، اهالی نینگ ایچکی محصولاتلر بیلن تانیشیشی، بو محصولاتلرگه ماس بازار تاپیلیشی همده ایچکی محصولاتلردن فایده‌لنیش مدنیت‌نی کوچه‌یتیریش دېب معلوم قیلینگن.
ایتیش کېره‌ک که بو کۉرگزمه‌لر شوندی بیرحالده اۉتکزیلماقده دیر که اخیرگی ییللر ایچیده، ایچکی محصولاتلر اینقسه ایکینچیلیک محصولاتلری‌گه ماس بازار یۉق‌لیگی، دهقان‌لر و ایکینچی‌لرنی شکایت‌لریگه سبب بۉلگن.
