منطقه مملکتلریدن تشکیل تاپکن جمعی خوفسیزلیک شرطنامه‌سی تشکیلاتی قوشمه بیانات نشر قیلیب، افغانستان احوالی حقیده هم فکر بیلدیرگن.
مذکور بیانات، جمعی خوفسیزلیک شرطنامه‌سیگه اعضا مملکتلر تشقی ایشلر وزیرلری نینگ نوبتده‌گی ییغینی یکونی‌ده نشر اېتیلگن.
بیاناتده افغانستان‌ده تینچ‌لیک و برقرارلیک تامین‌لنیشی اهمیتی اۉغوله‌نیب یازیلیشیچه “بیز افغانستان‌نینگ تینچ و برقرار دولت‌گه اَیله‌نیشیگه یاردم بیریش مجبوریت‌میزنی و بو یۉلده بیرلشکن ملتلر تشکیلاتی موافق‌لشتیرووچی رول اۉینهگن حالده، خلق‌ارا سعی‌وحرکتلرده اشتراک اېتیش‌میزنی ینه بیربار تاکیدله‌یمیز.”
جمعی خوفسیزلیک شرطنامه‌سی تشکیلاتی نینگ اعضالری اۉز بیانات‌لریده، تینچ و برقرار افغانستان‌دن حمایه‌لرینی اعلام قیلیش‌گه قوشیمچه، بو مملکتده دنیا هم‌جمعیتی نینگ انسان‌پرورلیک یاردملری دوامینی هم سۉره‌گن.
