روسیه نینگ تاس یېتکیرمه‌سی بیر گزارش نشر قیلیب ادعا قیلیشیچه، اۉتگن ییل بو مملکت پایتختی مسکو شهریده هجوم اۉیوشتیرگن داعش اعضالری، افغانستان و تورکیه‌ده تعلیم کۉرگن اېکن.
تاس یېتکیرمه‌سی بو حقده، ایشانچ‌لی حجت‌لرگه قۉل تاپکنینی معلوم قیلگن.
بو گزارش نینگ بیلدیریشیچه، مذکور هجومچیلر تاجیکستان مملکتی نینگ وطنداشلری اېکن که تورکیه و افغانستان‌ده ترورچیلیک هجوملرنی اۉیوشتیریش خصوصیده تعلیم آلگن.
ایتیش کېره‌ک که اۉتگن ییلی روسیه نینگ مسکو شهریده‌گی کنسرت سالن‌لریدن بیری‌ده اۉیوشتیریلگن بو هجوم نتیجه‌سیده اۉنلرچه کیشی قربان بۉلگن اېدی.
روسیه حکومتی بو هجومدن کېین، داعش قرشی کوره‌شیش‌نی جدی توتیب کۉپلب متهم‌لرنی قۉلگه آلگن اېدی.
