طالبان نینگ اعلام قیلیشیچه، محمودشاه حبیبی ناملی امریکا قوشمه ایالتلری وطنداشی و افغانستان سابق حکومتی رسمی‌لریدن بیری بو حاکمیت تامانیدن حبسگه آلینگن اېمس.
طالبان تامانیدن بو حقده نشر اېتیلگن بیاناتده، طالبان بو کیشی قییرده‌لیگی خصوصیده تیکشیروو اۉتکزیلگنی بیراق هیچ قندی بیر نشانه قۉلگه کېلمه‌گنی معلوم قیلینگن.
ایتیش کېره‌ک که بوندن ایلگری محمودشاه حبیبی طالبان تامانیدن حبسگه آلینگنی خبر قیلینگن اېدی.
بو حقده نشر اېتیلگن خبرلر حبیبی انیق کابلده، القاعده سابق رهبری ایمن الظواهری اۉلدیریلگنیدن کېین قۉلگه آلینگنینی ادعا قیلگن اېدی.
یقین‌ده امریکا حکومتی هم حبیبی تاپیلیشی‌گه یاردم بیرووچی معلومات‌لرگه مکافات هم تعیین قیلگن اېدی.
