روسیه نینگ بو قراری، کۉپلب مناسبت‌لر و تنقیدلرنی هم اۉرته‌گه آلیب کېلدی.
افغانستان انسان حقلری فعاللری نینگ بیرلیگی بیر بیانات نشر قیلیب بو خصوصده مناسب بیلدیردی.
انسان حقلری فعاللری، روسیه تامانیدن طالبان رسمیت‌گه تانیلیشی انسان حقلری‌گه ضد بیر قرار دیب تاکید قیلگن.
شونینگدېک بو فعاللر هر بیر حاکمیت تن آلینیشی اوچون خلق اراده‌سی نظرگه توتیلیشی کېرە‌ک دیب بیلدیرگن.
عینی حالده بیرلشکن ملتلر تشکیلاتیده افغانستان نماینده‌لیگی سرپرستی نصیراحمد فایق هم بو حقده مناسبت بیلدیریب، اۉتگن ییللر دوامی‌ده ترورچی گروه‌لرنی قوللب-قوتله‌گن مملکتلر بوندی گروه‌لرنی رسمی تن آلیشی حیرت‌لی بیر مساله اېمس دیر.
دیمک دنیا هم‌‌جمعیتی طالبان رسمیت‌گه تانیلیشی اوچون انسان حقلری نظرگه توتیلیشی، ترورچیلیککه کوره‌شیش و کینگ قمراولی حکومت ایجاد اېتیش‌نی شرط قویگن اېدی.
