طالبان اوچ-یریم ییل کوتیشدن کېین نهایت روسیه تامانیدن رسمیت‌گه تَن آلیندی.
بو قرار بیلن روسیه دنیاده ایلک مملکت بۉلدی که طالبان حاکمیت‌نی رسمیت‌گه تَن آلهدی حال بو که اوچ-یریم ییل‌دن بیری دنیا مملکتلری طالبان‌دن رسمیت‌گه تَن آلینیشی اوچون انسان حقلرینی نظرگه توتیشی، کینگ قمراوملی حکومت ایجاد اېتیشی و ترورچیلیککه قرشی کوره‌شیش‌نی طلب قیلماقده دیر.
طالبان اېسه حاضرگه قدر بو مساله‌نی هیچ بیری‌ده، دنیا مملکتلری رضایت‌نی قۉلگه کېلتیرمه‌گن و طالبان حاکمیتی آستیده‌گی افغانستان‌ده انسان حقلری احوالی و ترورچیلیک تهدیدلری دنیا جدی خواطری‌گه اَیلنگن.
شوندی بۉلسه هم روسیه بو حاکمیت‌نی رسمیت‌گه تَن آلدی. ایشانچ‌لرگه کۉره، روسیه بو قرارنی امریکا قوشمه ایالتلری بیلن بۉلگن رقابت‌لری و بو بیلن افغانستان‌ده نفوذینی کۉپراق تامینلش مقصدیده آلگن.
روسیه بو قراری کۉپلب مناسبت‌لرنی اۉرته‌گه آلیب کېلگن و بونگه قرشی مناسبت‌لر هلی هم دوام اېتماقده دیر.
بو خصوصده مناسبت بیلدیرگن فعاللر، طالبان اوچون بیرینچی مهم مساله افغانستان خلقی رضایتی دېب، طالبان حاضرگی سیاست‌لری و یانده‌شوولرینی دوام بېرگن تقدیرده هیچ قچان افغانستان خلقی تامانیدن رسمیت‌گه تَن آلینمس‌لیگینی بیلدیریب کېلماقده دیر.
عینی حالده ایریم طالبان روسیه بو قرارینی، ترورچیلیک کوچه‌یشیگه سبب بۉلیشی ممکن دېب خواطر بیلدیرماقده دیر.
