ایران‌ده افغانستان‌لیک مهاجرلرگه قرشی باسیم‌لر دوامی‌ده، بو مملکتده افغانستان‌لیک بیر ییگیت پیچاقلنیب اۉلدیریلگنی خبر قیلیندی.
بو حقده نشر اېتیلگن خبرلرگه کۉره، نجیب الله خاکسار ناملی بو شخص، اۉتگن کېچه ایران پایتختی تهران شهریده اۉلدیریلگن.
حاضرگه قدر اصلی کاپیسا ولایت یشاوچیسی بۉلمیش بو ییگیت انیق نیمه سبب اۉلدیریلگنی بیللی اېمس.
بو واقعه شوندی بیرحالده یوز بېرماقده دیر که ایران حکومتی افغانستان‌لیک مهاجرلرنی چیقاریش جریانینی جدی‌لشتیرگن و یالغیز اۉتگن کون دوامی‌ده ۳۸ مینگ‌گه یقین افغانستان‌لیک ایران‌دن چیقاریلگن.
ایران حکومتی تامانیدن بو جریان جدی‌لشگنی بیلن بیرگه افغانستان‌لیک مهاجرلرگه نسبتن باسیم‌لر و حقارت‌لر هم کۉپه‌یگن.
