انسان حقلری فعاللری بیرلیگی بیر بیانات نشر قیلیب، بیرلشکن ملتلر تشکیلاتی باش مجمع‌سی نینگ افغانستان حقیده اۉتکزیلگن سونگی ییغینی‌ده، تیلگه آلینگن بیانات‌لر خصوصیده، مناسبت بیلدیردی.
انسان حقلری فعاللر، بو ییغین‌ده طالبان حاکمیتی آستیده بۉلگن افغانستان بیلن دیپلوماتیک مناسبت‌لر تامین‌لنیشی حقیده‌گی تکلیف‌لردن تنقید قیلدی.
بو فعاللر بیاناتیده کېلیشیچه «ترورچی طالبان بیلن مناسبت قوریش‌نی تکلیف قیلگن مملکتلرنی آگاه‌لنتیره‌میز که پاکستان تقدیری‌دن عبرت آلینگیزلر، طالبان‌گه مشروعیت بېریش خلق‌ارا تیزیم ترتیبی‌گه ترورچیلیک‌نی آلیب کېریش دیر.»
افغانستان انسان حقلری فعاللری، طالبان نینگ خاتین-قیزلر، یېتکیرمه‌لر و سابق حکومت حربی کوچلری‌گه قرشی باسیم‌لری و ظلم‌لری دوامی‌دن اېسلب، روسیه بو حاکمیت‌نی رسمی تَن آلیشیدن تنقید قیلدی‌لر.
بو فعاللر نینگ تاکیدلشیچه، روسیه نینگ بو قراری افغانستان‌ده ترورچیلیک روحیه‌سینی قوللب-قوتلب، اۉرته آسیا و اوندن کېین روسیه خوفسیزلیگینی تهدید قیله‌دی.
انسان حقلری فعاللر اۉز بیانات‌لریده کۉپه‌یتیریشیچه “منطقه‌ده ژئوپولیتیک کوره‌شیشلرده طالبان‌دیک ترورچی بیر گروه یانیده توریش، یوتوق‌لیک اېمس بلکه دولتلر ایاغینی آستیده بمب توشه‌ش دیر.”
ایتیش کېره‌ک که اۉتگن آقشم بیرلشکن ملتلر تشکیلاتی افغانستان حقیده بیر ییغین اۉتکزیب، بو ییغین‌ده طالبان بیلن مناسبت‌لر برقرارلنیشی تاکیدلندی همده ییغین‌ده افغانستان خصوصیده بیر قطعنامه هم تصدیق‌لندی.
