طالبان تشقی ایشلر وزیرلیگی نینگ اعلام قیلیشیچه، بو حاکمیت بیرلشکن ملتلر تشکیلاتی تامانیدن افغانستان وضعیتی‌گه عاید تصدیق اېتیلگن قطعنامه‌نی رد قیله‌دی.
طالبان تشقی ایشلر وزیرلیگی سۉزلاوچیسی عبدالقهار بلخی بیر بیانات نشر قیلیب، بو قطعنامه‌نی رد قیلگن.
طالبان‌گه کۉره، بو قطعنامه طالبان رضایتی آلینمه‌گن حالده ایریم مملکتلر سیاسی فایده‌لنیشی مقصدیده تیارلنگن، شو باعث بو حاکمیت مذکور قطعنامه‌نی رد قیله‌دی.
عینی حالده طالبان، بیرلشکن ملتلر تشکیلاتی باش مجمع‌سی تامانیدن اۉتکزیلگن ییغین‌ده، ایریم مملکتلر بیانات‌لرینی خوش قرشی‌لگن.
ایتیش کېره‌ک که طالبان اوچ-یریم ییل‌دن بیری، دنیا طلب‌لری‌گه قرشی توریب کېلماقده و طالبان نینگ بو سیاستی اېسه افغانستان انزواسینی دواملی بۉلیشی‌گه سبب بۉلگن.
