طالبان افغانستان‌ده داعش گروهی حضورینی رد قیلیب کېله‌یاتکن بیر وقتده، ایریم یېتکیرمه‌لر لغمان ولایتیده طالبان و داعش جنگری‌لری اۉرته‌سیده تۉقنه‌شوو یوز بېرگنیدن خبر بېردی.
بو حقده نشر اېتیلگن معلومات‌لرگه کۉره، مذکور تۉقنه‌شوو بوگون اېرته‌لب لغمان ولایتی نینگ علینگار تومنی‌ده یوز بېرگن.
تۉقنه‌شوو نتیجه‌سیده طالبان جنگری‌لریدن ایکی کیشی هلاک بۉلگنی هم معلوم قیلینگن.
طالبان حاضرگه قدر بو حقده معلومات بېرگن اېمس.
شونینگدېک حاضرگه قدر داعش گروهی جنگری‌لری نینگ بو تۉقنه‌شوودن کۉرگن تلفات‌لری انیق بیللی اېمس.
ایتیش کېره‌ک که داعش گروهی، طالبان حاکمیتی دوریده افغانستان‌ده فعال ترورچی گروه دیر و بوندن ایلگری مذکور گروه طالبان‌گه قرشی اۉلیملی هجوملرنی اۉیوشتیرگن.
