روسیه تشقی ایشلر وزیری سرگی لاوروف، شمالی کوریاگه بۉلگن سفری دوامی‌ده بوگون شنبه ۲۱ – سرطان، بو مملکت رهبری کیم جونگ اون بیلن اوچره‌شدی.
روسیه نینگ «اسپوتنیک» یېتکیرمه‌سی تامانیدن نشر اېتیلگن خبرگه کۉره، اوچره‌شووده روسیه جمهور باشلیغی ولادیمیر پوتین نینگ پیامی، شمالی کوریا رهبری بیلن شریک اېتیلگن.
پوتین بو پیامی‌ده، روسیه و شمالی کوریا اۉرته‌سیده‌گی همکارلیکلر دوام اېتیشی و اۉرته‌گی سیاسی کېلیشوولر عملگه آشیریلیشی اوچون تیارگرلیگینی اعلام قیلگن.
شونینگدېگ روسیه تشقی ایشلر وزیری و شمالی کوریا رهبری اوچره‌شوویده، ایکی تامانلمه همکارلیکلر محاکمه اېتیلگن.
شمالی کوریا روسیه بیلن یخشی مناسبتده بۉلگن مملکتلردن دیر و بو مملکت اوکراین‌گه قرشی روسیه بیلن آچیق حربی همکارلیکده بۉلگن یالغیز مملکت حسابلنه‌دی.
