جهان فوتبال جماعهلری لیگهسی فاینل اۉیینی چارچوبهسیده بو کېچه، انگلستان نینگ «چلسی» فوتبال جماعهسی و فرانسه نینگ «پاریسن جرمن» فوتبال جماعهسی ، بیر بیراویگه قرشی کوچ سینهشدی.
امریکا قوشمه ایالتلری نیوجرسی ایالتی نینگ «متلایف» استدیومیده، بو کېچه افغانستان وقتی بیلن ساعت ۱۱:۳۰ دقیقهده باشلنگن بو اۉیینده، کوتیلمهگن بیر نتیجه بیلن چلسی فوتبال جماعهسی، پاریسن جرمنگه قرشی ۳ گول اوریب قهرمان بۉلدی.
بو بیلهشووده، کول پالمر چلسی اوچون ایکی مراتبه و ژوائو پدرو اېسه بیر مراتبه گول اوردیلر.
جاری موسوم نینگ اینگ تیار جماعهسی حسابلنگن و اروپا قهرمانلر لیگهسی نینگ نوبتدهگی قهرمانی پاریسن جرمنی بو گوللردن هیچ بیرینی قیتریشگه قادر بۉلالمهدی و شو بیلن چلسی فوتبال جماعهسی جهان فوتبال جماعهلری لیگهسی نینگ نوبتدهگی قهرمانی بۉلدی.