بیرلشکن ملتلر تشکیلاتی نینگ جمعیت صندیغی بوگون دوشنبه ۲۳- سرطان بیر بیانات نشر قیلیب، اسلام قلعه چیگره حدودیده، ایران‌دن چیقاریلگن مهاجرلر سانی کۉپه‌یگنی و بو مهاجرلر ساغلیق وضعیتی خصوصیده خواطر بیلدیردی.
مذکور تشکیلات نینگ تاکیدلشیچه، ایران‌دن چیقاریلگن مهاجرلر آره‌سیده حامله‌دار عیاللر و روحی کسللیکلر بیلن دوچ یاش-ییگیت‌لر موجود دیر.
بو تشکیلات نینگ یازیشیچه «سونگی هفته‌لرده ایران‌دن قیتیب کېله‌یاتکن مهاجرلر سانی جدی کۉپه‌یگن. کۉپلب عیاللر حامله‌دار شونینگدېگ باله‌لر همد یاش-ییگیت‌لر زیان کۉرگن و ناتینچ دیر.»
بیرلشکن ملتلر تشکیلاتی نینگ جمعیت صندیغی، اوشبو مهاجرلرگه ساغلیق خذمت‌لری همده روحی و اجتماعی حمایه‌لر کۉپراق کۉرسه‌تیلیشینی سۉره‌دی.
ایتیش کېره‌ک که سونگی کونلر ایچیده، ایران تامانیدن چیقاریلگن مهاجرلر سانی جدی کۉپه‌ییب، هر کونی مینگ‌لرچه کیشی افغانستان‌گه قیتریله‌دی.
