طالبان نظارتی آستیده‌گی افغانستان برق ییتکزیش کمپنیه‌سی یا ده «برشنا» بو کمپنیه عمومی باشلیغی عبدالباری عمر، اۉزبېکستان و قزاقستان‌دن بۉلگن بیر قنچه تدبیرکارلر بیلن اوچره‌شگنیدن خبر بېردی.
برشنا کمپنیه‌سی تامانیدن نشر اېتیلگن بیانات‌گه کۉره، اوشبو اوچره‌شووده افغانستان نینگ برق ساحه‌سیده سرمایه یاتقیزیش زمینه‌لری تیکشیریلگن.
طالبان نینگ ادعا قیلیشیچه، اۉزبېکستان‌لیک و قزاقستان‌لیک تدبیرکارلر، افغانستان‌ده برق ایشلب چیقاریش ساحه‌سیده، سرمایه یاتقیزیش‌گه تیارگرلیک کۉرسه‌تگن.
بو سرمایه یاتقیزیش قچان و قندی عملگه آشیریلیشی خصوصیده تۉلیق معلومات بېریلگن اېمس.
ایتیش کېره‌ک که افغانستان، کۉپلب برق ضرورت‌لرینی چیت‌ایل مملکتلریدن وارد قیله‌دی که بو آرهده افغانستان نینگ کۉپینچه برق انرژِی‌سی اۉزبېکستان‌دن وارد اېتیله‌دی.
