طالبان نینگ اعلام قیلیشیچه، سونگی ۲۲ کون ایچیده ۵۷۴ مینگ و ۲۴۱ مهاجر، ایران‌دن چیقاریلیب، افغانستان‌گه قیتیب کېلگن.
طالبان نینگ هرات ولایتیده اخبارات و مدنیت باشلیغی احمدالله متقی، اۉزی نینگ ایکس صحیفه‌سیده نشر قیلگن بیاناتده بو حقده معلومات بېردی.
بو معلومات‌نی بیلدیریشیچه، افغانستان‌گه قیتیب کېلگن مهاجرلر جمله‌سیدن ۲۳۴ مینگ و ۹۰۷ مهاجر اۉز رضایتی بیلن و ۳۳۹ مینگ و ۳۳۴ مهاجر جبری چیقاریلیب، افغانستان‌گه کېلگن.
هرات ولایتیده طالبان محلی رسمی‌لری، بو ولایتده مهاجرلرگه یاردم ییتکزیش سعی‌وحرکتلری دوامی‌دن هم ایشانچ بېرگن.
بو شوندی بیرحالده دیر که ایران‌دن افغانستان‌لیک مهاجرلر چیقاریلیشی جدی‌لشیشی بیلن مردمی یاردم ییتکزیش کمپاینی باشلنگن و بو جریان باشقیریلیشی خصوصیده طالبان‌دن تنقیدلر هم موجود دیر.
